Napraten

Naam van de tocht: Het moddergevecht dat nig kwam
Plaats: Eibergen
Datum: 2018-12-23
Schrijver: Frans van D

Het moddergevecht dat nig kwam

Met 'n man of twintig stunn'n wie vanmor'n in slagorde (now ja slagorde), bie DVO. Ofgoande op de völle reag'n dee er de leste daag'n is a völl'n was allerweeg'n de verwochting dat het wal een mooi'n drekpröttel zöl wèèn in 't bos. Edoch, dat veul oarig mèt, zelfs den bosweg noar het trepke was good te doon.

Bie de start kwam Richard ten Thije d'r achter dat heé'n ènnigsten was met de wegfietse; gauw noar hoes hen um de ATB fietse op te haal'n. Het doer'n nogal en doarum ging'n wie hem moar tegemeut. Wie wust'n nig of e veur of achteröm zol komm'n, weshalve wie ging'n splits'n zodat wie um nig zoll'n miss'n. Plotseling kwöm a oet 'n gänske; hè,hè, Richard.

Oawer de rondweg en Morsinkhofbrug gung 'n wie rechtsof langs de bekke het bos in; Via de watermölle (d'r oawer of umhen) kwömm'n wie in't Lankheet; lopend of fietsend oawer het trepke noar de Eibergsestroat en dan den Es op. In 'n bos bie de begraafplaats van Eibergen hew wat rondjes e'dreit en toen op 't parcours van de stofwolk an. Achter mekaar oawer de bult'n hen, tjonge wat gung dat mooi, sommigen hadd'n zo'n schik d'r met dat ze twee keer gung'n. Toen op Eibergen an, onder 't tunneltje deur linksof langs de Berkel woarnoar wie via de achterkaant van 't Lankheet weer in 't' Hoaksebarge kwaam'n.

Vlakbie "Broodhein" waar'n wie Edo Hein (toch geen familie?) kwiet. Effe'n wocht'n zei Hennie en joa heur doar kwamme wal an, oarig oetgewoond, zo te zeen. (was't bier zo lekker gisteroamd Edo?) Terwijl Edo rechtstreeks noa hoes ging, reed.n wie rechtdeur noar de trek bie Jos. Nog effe'n d'r umhen zei Hennie en dan op 't clubhoes van v.v. Haaksbergen an.

Onder de koffie kwöm de Nightride van Eibergen te sproake; Met vief man hew of a sprökk'n d'r hen te goan.; 28 dec. kom wie um 18.00 bie caravan Pen bie mekaar, ai met wilt bin ie van harte oet a neudigd um met te goan. Hennie S. kreeg d'r ook zin an; Met volle moan wil e oawer de fietspaden van 't veen te keer goan. Prima idee Hennie, ik bin ow man.

Frans van D



Reacties

Wil je reageren op bovenstaand artikel, of heb je iets toe te voegen, vul onderstaand formuliertje in, en doe je verhaal. Geneer je niet.


Naam:
Datum:
Commentaar: